మైదానంలో మళ్లీ నెయ్మార్...అభిమానుల్లో ఉత్సాహం

ఫుట్‌బాల్ అభిమానులు ఎంతోకాలంగా ఎదురుచూస్తున్న క్షణం నెరవేరింది. బ్రెజిల్ స్టార్, మాజీ కెప్టెన్ నెయ్మార్ దాదాపు 981 రోజుల తర్వాత జాతీయ జట్టుకు తిరిగి వచ్చాడు. ఫిఫా వరల్డ్ కప్ 2026 గ్రూప్-సి లో స్కాట్లాండ్‌తో జరిగిన మ్యాచ్‌లో అతడు మైదానంలోకి అడుగుపెట్టాడు. ఈ మ్యాచ్‌లో బ్రెజిల్ 3-0తో ఘన విజయం సాధించింది.

వినిసియస్ జూనియర్ రెండు గోల్స్‌తో మెరిశాడు. మ్యాచ్ అనంతరం నెయ్‌మార్ భావోద్వేగంగా మాట్లాడుతూ మళ్లీ జాతీయ జెర్సీ ధరించడం ఎంతో ఆనందంగా ఉందని చెప్పాడు. కోచ్ కార్లో అన్సెలోట్టి వ్యూహం ప్రకారం నెయ్మార్ రెండో అర్ధభాగంలో బరిలోకి దిగాడు. అతడి రాకతో బ్రెజిల్ శిబిరంలో కొత్త ఉత్సాహం నెలకొంది.