కస్టమ్ ఏఐ సేవలకు మైక్రోసాఫ్ట్ భారీ అడుగు..

పెద్ద కార్పొరేట్ సంస్థలకు అవసరాలకు అనుగుణంగా కస్టమ్ ఆర్టిఫిషియల్ ఇంటెలిజెన్స్ (AI) పరిష్కారాలను అందించేందుకు 'మైక్రోసాఫ్ట్ ఫ్రాంటియర్ కో' పేరుతో కొత్త వ్యాపార విభాగాన్ని మైక్రోసాఫ్ట్ ప్రకటించింది. 2.5 బిలియన్ డాలర్ల పెట్టుబడితో ప్రారంభమైన ఈ విభాగంలో 6,000 మందికి పైగా ఉద్యోగులు, ఇంజినీరింగ్ నిపుణులు పనిచేయనున్నారు. ఇప్పటికే ఉన్న మైక్రోసాఫ్ట్ AI టూల్స్ ఆధారంగా సంస్థలకు ప్రత్యేక AI అమలు సేవలను అందించనుంది.

ఎంటర్‌ప్రైజ్ AI రంగంలో పోటీ మరింత వేగవంతమవుతున్న నేపథ్యంలో మైక్రోసాఫ్ట్ ఈ కీలక నిర్ణయం తీసుకుంది. ఇప్పటికే లండన్ స్టాక్ ఎక్స్చేంజ్ గ్రూప్, యూనిలీవర్, ల్యాండ్ ఓ'లేక్స్, యాక్సెంచర్ వంటి ఫార్చ్యూన్ 500 సంస్థలతో కలిసి పనిచేస్తున్న మైక్రోసాఫ్ట్‌కు విస్తృతమైన కస్టమర్ నెట్‌వర్క్ ప్రధాన బలంగా నిలవనుంది. పరిశ్రమలోనే అత్యంత సమర్థవంతమైన, ఫలితాలపై దృష్టి సారించిన AI ఇంజినీరింగ్ సంస్థగా ఫ్రాంటియర్ కోను తీర్చిదిద్దడమే లక్ష్యమని కమర్షియల్ బిజినెస్ సీఈఓ జడ్సన్ ఆల్థాఫ్ తెలిపారు.