ప్రపంచవ్యాప్తంగా చాట్‌జీపీటీ సేవలకు అంతరాయం..

ఓపెన్‌ఏఐకి చెందిన చాట్‌జీపీటీ సేవల్లో ప్రపంచవ్యాప్తంగా తాత్కాలిక సాంకేతిక అంతరాయం ఏర్పడింది. చాట్‌జీపీటీతో పాటు ఇమేజ్ జనరేషన్, కస్టమ్ జీపీటీలు, ఫెడ్‌రాంప్ కోడెక్స్, వర్క్‌స్పేస్ అనలిటిక్స్, కన్వర్సేషన్ సెర్చ్ వంటి పలు సేవల్లో కూడా సమస్యలు తలెత్తాయి. సేవలను వినియోగించడంలో ఇబ్బందులు ఎదుర్కొన్న యూజర్లు సామాజిక మాధ్యమాల్లో పెద్ద ఎత్తున పోస్టులు చేశారు.

ఈ అంశంపై స్పందించిన ఓపెన్‌ఏఐ, సమస్యను అంగీకరిస్తూ తమ ఇంజినీరింగ్ బృందం పరిష్కార చర్యలు చేపట్టిందని తెలిపింది. చాట్‌జీపీటీ సేవలను ఇప్పటికే పునరుద్ధరించినట్లు వెల్లడించిన సంస్థ, మిగిలిన సేవలను కూడా వీలైనంత త్వరగా సాధారణ స్థితికి తీసుకురావడానికి కృషి చేస్తున్నామని పేర్కొంది.