ఏఐ దూకుడుకు ఓపెన్‌ఏఐ బ్రేక్‌...

ఫ్రాంటియర్‌ ఏఐ మోడళ్ల అభివృద్ధి వేగాన్ని ఓపెన్‌ఏఐ తాత్కాలికంగా తగ్గించింది. పరిశోధన, మోడల్‌ శిక్షణ, మానిటరింగ్‌ వ్యవస్థల్లో పలు మార్పులు చేపట్టినట్లు సంస్థ వెల్లడించింది. తాజా మోడళ్లపై రీఇన్‌ఫోర్స్‌మెంట్‌ లెర్నింగ్‌ శిక్షణను రెండు వారాల పాటు నిలిపివేసి, ఏఐ ఏజెంట్లను పరీక్షించే సమయంలో వాటిని పర్యవేక్షించేందుకు అదనపు ఏఐ వ్యవస్థలను ఏర్పాటు చేస్తున్నట్లు తెలిపింది. మరింత శక్తివంతమైన ఏఐ మోడళ్లతో వాటి అభివృద్ధి, పరీక్షల సమయంలో భద్రతా ముప్పులు పెరుగుతున్న నేపథ్యంలో ఈ నిర్ణయం తీసుకున్నట్లు పేర్కొంది.

తదుపరి తరం ఏఐ మోడల్‌గా పేర్కొంటున్న ‘ఆస్ట్రా’ శిక్షణను కూడా ఓపెన్‌ఏఐ తాత్కాలికంగా నిలిపివేసింది. పెద్ద స్థాయి శిక్షణను ప్రారంభించే ముందు చిన్న స్థాయి శిక్షణ, మోడల్‌ ప్రవర్తనపై పరీక్షలు, భద్రతా చర్యల ధ్రువీకరణ, అలైన్‌మెంట్‌ ప్రమాణాలపై మరింత ఆధారాలను సేకరిస్తున్నట్లు సంస్థ తెలిపింది. ఇటీవలి సైబర్‌ భద్రతా ఘటనల నేపథ్యంలో రీసెర్చ్‌ వాతావరణాలను మరింత పటిష్ఠం చేసి, మానిటరింగ్‌ పరిధిని విస్తరించినట్లు వెల్లడించింది. ఏఐ సామర్థ్యాలు భద్రతా చర్యల కంటే వేగంగా పెరుగుతున్నట్లు అనిపిస్తే అభివృద్ధి వేగాన్ని తగ్గించేందుకు సిద్ధంగా ఉన్నామని సీఈఓ సామ్‌ ఆల్ట్‌మన్‌ తెలిపారు.