

భారత ఆటోమొబైల్ రంగంలో ప్రత్యేక గుర్తింపు సంపాదించిన మారుతి సుజుకీ ఇండియాకు చెందిన ప్రముఖ చిన్న కారు మారుతి 800కు ప్రతిష్ఠాత్మకమైన ఫివా వరల్డ్ వెహికిల్ హెరిటేజ్ అవార్డు లభించనుంది. ఈ అంతర్జాతీయ పురస్కారాన్ని అందుకోనున్న తొలి, ఏకైక భారతీయ కారుగా మారుతి 800 నిలిచిందని మారుతి సుజుకీ సోమవారం ప్రకటించింది. ఆటోమొబైల్ చరిత్రలో విశేష స్థానం సంపాదించడంతో పాటు చారిత్రక, సాంస్కృతిక ప్రాధాన్యత కలిగిన వాహనాలను ఈ అవార్డుతో గుర్తిస్తారు. ఈ ఎంపిక భారతీయ కార్ల చరిత్రలో మారుతి 800కు ఉన్న ప్రత్యేక స్థానాన్ని మరోసారి చాటిచెప్పింది.
ప్రపంచవ్యాప్తంగా చారిత్రక, సాంస్కృతిక ప్రాధాన్యత కలిగిన మొత్తం 21 వాహనాలను ఈ అవార్డు కోసం ఎంపిక చేశారు. అమెరికా, బ్రెజిల్, జర్మనీ, ఫ్రాన్స్, ఆస్ట్రియా, స్లోవేనియా తదితర దేశాలకు చెందిన వాహనాలు ఈ జాబితాలో ఉన్నాయి. ఆయా దేశాల ఆటోమొబైల్ చరిత్రపై చెరగని ముద్ర వేసిన అంతర్జాతీయ వాహనాల సరసన మారుతి 800కు చోటు దక్కడం విశేషం. భారతీయ కుటుంబాలకు వ్యక్తిగత రవాణాను మరింత చేరువ చేయడంలో ఈ కారు కీలక పాత్ర పోషించింది. అందుకే మారుతి 800 భారత ఆటోమొబైల్ వారసత్వంలో ప్రత్యేక గుర్తింపు పొందింది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!