భారత్‌పై 1500 కిలోమీటర్ల పొడవైన వర్షమేఘం..!

భారత్‌పై సుమారు 1500 కిలోమీటర్ల పొడవైన వర్షమేఘ ద్రోణి ఏర్పడినట్లు ఉపగ్రహ చిత్రాలు గుర్తించాయి. ఉత్తర బంగాళాఖాతం నుండి జమ్మూకశ్మీర్ వరకు ఈ రుతుపవన ద్రోణి విస్తరించింది. రుతుపవనాలు దక్షిణ దిశగా కదలడంతో ఉత్తర భారతదేశంలో ఉరుములతో కూడిన భారీ వర్షాలు కురిసే అవకాశం ఉందని వాతావరణ నిపుణులు తెలిపారు.

గత కొన్ని వారాలుగా తీవ్రమైన వేడి, వర్షాల ఆలస్యంతో ప్రజలు ఇబ్బందులు ఎదుర్కొన్నారు. ఇప్పుడు రుతుపవన ద్రోణి ఏర్పడటంతో వాతావరణ పరిస్థితులు మారనున్నాయని అధికారులు పేర్కొన్నారు. ఈ పరిస్థితిపై వాతావరణ శాఖ అప్రమత్తంగా ఉంది.