తనపై దాడి యత్నం జరిగిందంటూ ఫిర్యాదు చేసిన అఖిల్‌ రాజ్

డెలివరీ బాయ్‌తో జరిగిన ఘటన వివాదాస్పదంగా మారిన నేపథ్యంలో సినీనటుడు అఖిల్‌రాజ్ గచ్చిబౌలి పోలీసులను ఆశ్రయించారు. కొండాపూర్‌లో కొంతమంది తన కారును అడ్డగించి తనపై దాడికి యత్నించారని ఫిర్యాదులో పేర్కొన్నారు. ఘటనపై తగిన చర్యలు తీసుకోవాలని పోలీసులను కోరారు.

మరోవైపు, డెలివరీ బాయ్‌పై అఖిల్‌ రాజ్ దాడి చేసినట్లు ప్రచారంలో ఉన్న వీడియో సామాజిక మాధ్యమాల్లో విస్తృత చర్చకు దారి తీసింది. ఈ ఘటనపై పోలీసులు కేసు నమోదు చేసి, ఇరువర్గాల వాంగ్మూలాలు, అందుబాటులో ఉన్న ఆధారాలను పరిశీలిస్తూ దర్యాప్తు కొనసాగిస్తున్నారు.