ఏపీ రేషన్‌ కార్డుదారులకు శుభవార్త..

ఆంధ్రప్రదేశ్‌ ప్రభుత్వం రాష్ట్రంలోని రేషన్‌ దుకాణాల ద్వారా బియ్యంతో పాటు మరికొన్ని నిత్యావసర వస్తువులను సబ్సిడీ ధరలకు అందించాలని నిర్ణయించింది. ఈ మేరకు కందిపప్పు, చక్కెర, గోధుమపిండి, పామాయిల్‌ను రాయితీ ధరలకు పంపిణీ చేయనుంది. కందిపప్పు కోసం కేంద్రం నుంచి 1.20 లక్షల టన్నుల కేటాయింపు జరిగినట్లు సమాచారం. పెరుగుతున్న నిత్యావసర వస్తువుల ధరలతో ఇబ్బంది పడుతున్న కుటుంబాలకు ఈ నిర్ణయం ఉపశమనం కలిగించనుంది.

మరోవైపు రాష్ట్రవ్యాప్తంగా రైతు బజార్లలో ఉల్లిపాయలను సబ్సిడీ ధరకు విక్రయిస్తున్నారు. కిలో ఉల్లిపాయలను రూ.35కే అందిస్తూ.. ఒక్కో కుటుంబానికి నెలకు గరిష్ఠంగా 2 కిలోల వరకు ఇచ్చేలా ఏర్పాట్లు చేశారు. రాయితీ ఉల్లిపాయలు పొందేందుకు రేషన్‌ కార్డు లేదా ఆధార్‌ కార్డును చూపించాల్సి ఉంటుంది. ప్రజలకు నిత్యావసర సరుకులు అందుబాటు ధరల్లో లభించేలా ప్రభుత్వం ఈ చర్యలు చేపడుతోంది.