అయోధ్య రామమందిరాన్ని సందర్శించిన అరవింద్ కేజ్రీవాల్

ఆమ్ ఆద్మీ పార్టీ జాతీయ కన్వీనర్, మాజీ ఢిల్లీ ముఖ్యమంత్రి అరవింద్ కేజ్రీవాల్ అయోధ్యలోని శ్రీ రామ్ జన్మభూమి మందిరాన్ని గురువారం సందర్శించారు. రామ్‌లల్లా దర్శనం అనంతరం ఆయన ఆలయాన్ని లక్షలాది హిందువుల విశ్వాసం, గర్వానికి ప్రతీకగా అభివర్ణించారు. దర్శన సమయంలో తనకు దైవిక అనుభూతి కలిగిందని, అది మాటల్లో చెప్పలేనిదని తెలిపారు.

తాజాగా ఆలయ దానాల నిర్వహణపై అవకతవకల ఆరోపణలు చేసిన కేజ్రీవాల్, ఈసారి తన సందేశంలో పూర్తిగా ఆధ్యాత్మికతపై దృష్టి పెట్టారు. “జై సియావర్ రామ్ చంద్ర” అంటూ సోషల్ మీడియాలో పోస్ట్ చేశారు. ఆయన పర్యటన రాజకీయ చర్చలకు దారితీసినా, భక్తి భావనకు ప్రాధాన్యం ఇచ్చినట్లు కనిపిస్తోంది.