తెలంగాణలో స్కూల్లకు దసరా సెలవుల ప్రకటన

తెలంగాణలో విద్యాసంస్థలకు ప్రభుత్వం దసరా సెలవులను ప్రకటించింది. దసరాతో పాటు బతుకమ్మ పండుగ కూడా రావడంతో మొత్తం 13 రోజుల పాటు సెలవులు ఇవ్వనున్నారు. అక్టోబర్ 10 నుంచి అక్టోబర్ 22 వరకు దసరా సెలవులు కొనసాగనున్నాయి. విద్యాసంస్థలకు అక్టోబర్ 9 చివరి పని దినంగా ఉండనుంది.

సెలవులు ముగిసిన అనంతరం అక్టోబర్ 23 నుంచి విద్యాసంస్థలు తిరిగి ప్రారంభమవుతాయి. ప్రభుత్వ, ప్రైవేట్, ఎయిడెడ్ విద్యాసంస్థలకు ఈ సెలవులు వర్తించనున్నాయి. రాష్ట్రంలోని అన్ని సంబంధిత విద్యాసంస్థలు ప్రభుత్వం ప్రకటించిన సెలవుల షెడ్యూల్‌ను తప్పనిసరిగా అమలు చేయాల్సి ఉంటుంది.