‘జైలర్-2’తో నెల్సన్ సక్సెస్ జోరు..

యంగ్ డైరెక్టర్లలో వరుస విజయాలతో ప్రత్యేక గుర్తింపు సంపాదించుకున్న దర్శకుడు నెల్సన్ దిలీప్ కుమార్. ఆయన దర్శకత్వంలో ఇప్పటివరకు ఐదు సినిమాలు తెరకెక్కగా, ప్రతి సినిమా మంచి వసూళ్లు సాధించింది. తాజాగా రజనీకాంత్ హీరోగా వచ్చిన ‘జైలర్-2’ సినిమా రూ.800 కోట్లకు పైగా గ్రాస్ వసూలు చేసినట్లు సమాచారం. ఈ విజయంతో కోలీవుడ్‌లోనే కాకుండా టాలీవుడ్‌లోనూ నెల్సన్ సక్సెస్ గ్రాఫ్‌పై చర్చ జరుగుతోంది. దీంతో ఆయన తదుపరి సినిమాపై అభిమానుల్లో ఆసక్తి పెరిగింది.

నయనతార ప్రధాన పాత్రలో నటించిన ‘కొలమావు కోకిల’తో నెల్సన్ దర్శకుడిగా పరిచయమయ్యారు. సుమారు రూ.8 కోట్ల బడ్జెట్‌తో తెరకెక్కిన ఈ సినిమా రూ.73 కోట్లు వసూలు చేసినట్లు సమాచారం. శివకార్తికేయన్ హీరోగా నటించిన ‘డాక్టర్’ రూ.25 కోట్ల బడ్జెట్‌తో రూపొందించి రూ.100 కోట్ల వసూళ్లు సాధించింది. విజయ్‌తో తెరకెక్కించిన ‘బీస్ట్’ సుమారు రూ.300 కోట్లు రాబట్టినట్లు అంచనా. రజనీకాంత్‌తో రూపొందించిన ‘జైలర్’ రూ.600 కోట్ల వరకు వసూలు చేయగా, రూ.250 కోట్ల బడ్జెట్‌తో తెరకెక్కిన ‘జైలర్-2’ రూ.800 కోట్లకు పైగా గ్రాస్ సాధించినట్లు కథనాలు పేర్కొంటున్నాయి. ఇప్పుడు కమల్ హాసన్, రజనీకాంత్ కలిసి నటించనున్న సినిమాకు నెల్సన్ దర్శకత్వం వహించనున్నారు. కమల్ హాసన్ నిర్మిస్తున్న ఈ ప్రాజెక్ట్ బడ్జెట్ రూ.1,000 కోట్లు దాటవచ్చనే ప్రచారం సాగుతోంది. ఈ నేపథ్యంలో అంత భారీ బడ్జెట్‌తో తెరకెక్కే సినిమా ఎంతటి వసూళ్లు సాధిస్తుందనే ఆసక్తి సినీ వర్గాల్లో నెలకొంది.