రోహిత్ కోసం ఒడిశా నుంచి ముంబైకి సైకిల్ యాత్ర

ఓ అభిమాని తన అభిమాన క్రికెటర్‌ రోహిత్ శర్మను కలవాలనే కలతో ఒడిశా నుంచి ముంబై వరకు సైకిల్‌పై ప్రయాణించాడు. ముంబై చేరుకున్న అనంతరం రోహిత్‌ను కలిసిన ఆ అభిమాని తన ప్రయాణం గురించి వివరించడంతో హిట్‌మ్యాన్‌ ఆశ్చర్యానికి గురైనట్లు సమాచారం. రోహిత్‌ కూడా అభిమాని చూపించిన పట్టుదల, అభిమానానికి ముగ్ధుడైనట్లు తెలుస్తోంది.

ఈ సందర్భంగా ఆ అభిమాని రోహిత్ శర్మకు రాధా-కృష్ణుల అందమైన విగ్రహాన్ని బహుమతిగా అందించాడు. ఈ ఆత్మీయ కలయికకు సంబంధించిన వివరాలు సోషల్ మీడియాలో వైరల్‌గా మారడంతో నెటిజన్లు స్పందిస్తున్నారు. తమ అభిమాన ఆటగాడిని కలవాలనే లక్ష్యంతో ఇంత దూరం సైకిల్‌పై ప్రయాణించిన అభిమాని అంకితభావాన్ని క్రికెట్ అభిమానులు ప్రశంసిస్తున్నారు.