హైదరాబాద్ యూనివర్సిటీకి గ్లోబల్ గుర్తింపు

హైదరాబాద్ సెంట్రల్ యూనివర్సిటీ (హెచ్‌సీయూ) అంతర్జాతీయ స్థాయిలో అరుదైన ఘనతను సాధించింది. క్వాక్వరెల్లీ సైమండ్స్ విడుదల చేసిన క్యూఎస్ వరల్డ్ ర్యాంకింగ్స్ 2027లో హెచ్‌సీయూ 851–900 ర్యాంక్ బ్యాండ్‌లో స్థానం సంపాదించింది. బోధన విధానాలు, పరిశోధన ప్రమాణాలను ఆధారంగా తీసుకుని ఈ ర్యాంకులను ప్రకటించారు.

ప్రపంచవ్యాప్తంగా సుమారు 1,500 విశ్వవిద్యాలయాలను పరిశీలించిన తర్వాత ఈ ర్యాంకులను ఖరారు చేశారు. హెచ్‌సీయూ ఫ్యాకల్టీ లో 98.1 శాతం మంది పీహెచ్‌డీ అర్హత కలిగి ఉన్నారని క్యూఎస్ సంస్థ వెల్లడించింది. ఈ గుర్తింపుపై ఇన్‌ఛార్జి వైస్ ఛాన్సలర్ ప్రొఫెసర్ జె. అనురాధ సంతోషం వ్యక్తం చేశారు.