హైదరాబాద్‌కు భారీ వర్ష హెచ్చరిక

జీహెచ్‌ఎంసీ హైదరాబాద్‌కు రెయిన్ అలర్ట్ జారీ చేసింది. రానున్న రెండు గంటల్లో నగరంలోని పలు ప్రాంతాల్లో ఉరుములు, మెరుపులతో కూడిన మోస్తరు వర్షాలు కురిసే అవకాశం ఉందని తెలిపింది. గంటకు 30 కిలోమీటర్ల వేగంతో ఈదురుగాలులు వీచే అవకాశముందని హెచ్చరించింది.

ఇప్పటికే హైదరాబాద్‌లోని పలు ప్రాంతాల్లో భారీ వర్షం కురుస్తోంది. ప్రజలు అత్యంత అప్రమత్తంగా ఉండాలని, అత్యవసరమైతే తప్ప బయటకు రావద్దని అధికారులు సూచించారు. వాహనదారులు జాగ్రత్తగా ప్రయాణించాలని, వర్షపు నీరు నిలిచిన ప్రాంతాలను వీలైనంత వరకు నివారించాలని సూచించారు.