భారీ వర్షాలతో జలపాతాన్ని తలపిస్తున్న సింహాచలం మెట్ల మార్గం..

విశాఖపట్నంలో కురుస్తున్న భారీ వర్షాలతో వాగులు, వంకలు ఉప్పొంగి ప్రవహిస్తున్నాయి. సింహాచలం శ్రీ వరాహ లక్ష్మీ నరసింహస్వామి ఆలయంలో అప్పన్న సన్నిధికి వెళ్లే మెట్ల మార్గంలో వరద ప్రవాహం కనువిందు చేస్తోంది.

కొండపై నుంచి కిందకు ఉధృతంగా ప్రవహిస్తున్న నీటితో సింహగిరి మెట్లు జలపాతాన్ని తలపిస్తున్నాయి. ఎడతెరిపి లేకుండా కురుస్తున్న వర్షాలతో కొండ ప్రాంతంలో నీటి ప్రవాహం మరింత పెరుగుతోంది. దీంతో సింహాచలం మెట్ల మార్గం ప్రకృతి సోయగాన్ని తలపించేలా కనిపిస్తోంది.