జూలైలోనూ తక్కువ వర్షపాతం - ఐఎండీ

భారత వాతావరణ శాఖ (ఐఎండీ) అంచనా ప్రకారం ఈ నెలలో కూడా సాధారణం కంటే తక్కువ వర్షపాతం నమోదయ్యే అవకాశం ఉంది. మరోవైపు, రాబోయే రెండు రోజుల్లో నైరుతి రుతుపవనాలు గుజరాత్‌, మధ్యప్రదేశ్‌, ఉత్తరప్రదేశ్‌ రాష్ట్రాల్లో మరింత విస్తరించే అవకాశముందని తెలిపింది.

అదే సమయంలో ఈశాన్య రాష్ట్రాలు, పశ్చిమ బెంగాల్‌ పరిసర ప్రాంతాల్లో భారీ వర్షాలు కురిసే అవకాశం ఉందని ఐఎండీ హెచ్చరించింది. ఆయా ప్రాంతాల ప్రజలు అప్రమత్తంగా ఉండాలని, వాతావరణ శాఖ సూచనలను పాటించాలని అధికారులు సూచించారు.