కోర్టుకు తరలిస్తుండగా దాడి ఘటన

పశ్చిమ బెంగాల్‌లోని ఉత్తర 24 పరగణాల జిల్లాలో తీవ్ర ఉద్రిక్తత చోటుచేసుకుంది. నైహతి మున్సిపల్ ఛైర్మన్ అశోక్ ఛటర్జీ కుమారుడు అభిజిత్ ఛటర్జీని పోలీసులు అరెస్ట్ చేశారు. హత్యాయత్నం, అత్యాచారం, బెదిరింపులు, వసూళ్లు, అక్రమ ఆయుధాలు మరియు పేలుడు పదార్థాల కేసుల్లో అతడిపై కేసులు నమోదు అయ్యాయి. ఆమ్స్ యాక్ట్, ఎక్స్‌ప్లోజివ్స్ యాక్ట్ కింద కూడా కేసులు ఉన్నాయి.

నైహతి పోలీసులు నిందితుడిని బారక్‌పూర్ సబ్ డివిజన్ కోర్టులో హాజరుపరిచారు. కోర్టుకు తీసుకెళ్తున్న సమయంలో స్థానికులు, బీజేపీ కార్యకర్తలు తీవ్ర ఆగ్రహం వ్యక్తం చేశారు. అతడిపై కోడిగుడ్లు, చెప్పులతో దాడి చేయడంతో ప్రాంతంలో ఉద్రిక్త పరిస్థితి నెలకొంది.