జాతీయ భద్రత విషయంలో రాజీ లేదు - రాజ్‌నాథ్ సింగ్

జాతీయ భద్రత విషయంలో భారత్ ఎట్టి పరిస్థితుల్లోనూ రాజీపడబోదని రక్షణశాఖ మంత్రి రాజ్‌నాథ్ సింగ్ స్పష్టం చేశారు. ఆదివారం నిర్వహించిన NDTV డిఫెన్స్ సమిట్ 2026లో ఆయన మాట్లాడుతూ.. భారత్ ఎప్పుడూ శాంతినే కోరుకుంటుందని, యుద్ధాన్ని కోరుకోదని అన్నారు. అలాగే ఇతర దేశాల భూభాగంపై భారత్‌కు ఎలాంటి ఆశ లేదని పేర్కొన్నారు. అయితే శాంతిని కోరుకోవడాన్ని బలహీనతగా భావించకూడదని స్పష్టం చేశారు.

పొరుగుదేశం భారత్‌పై ఉగ్రవాదాన్ని ప్రోత్సహిస్తూనే ఉంటే.. ఉగ్రవాదులపై చర్యలు తీసుకునేందుకు భారత్ సిద్ధంగా ఉంటుందని రాజ్‌నాథ్ సింగ్ తెలిపారు. శాంతి కోసం దౌత్యపరమైన ప్రయత్నాలు కొనసాగిస్తూనే.. జాతీయ భద్రతకు ఎదురయ్యే సవాళ్లను ఎదుర్కొనేలా రక్షణ సామర్థ్యాలను బలోపేతం చేస్తున్నామని చెప్పారు. డిఫెన్స్ సమిట్‌లో ఆయన వ్యాఖ్యలు ఉగ్రవాదంపై భారత్ వైఖరిని, రక్షణ సన్నద్ధతకు ఇస్తున్న ప్రాధాన్యాన్ని మరోసారి స్పష్టం చేశాయి.