కన్నూర్–హైదరాబాద్ ఇండిగో విమానం రద్దు

కేరళలోని కన్నూర్ నుంచి హైదరాబాద్ రావాల్సిన ఇండిగో విమానం చివరి నిమిషంలో రద్దయినట్లు ప్రయాణికులు తెలిపారు. దీంతో విమానాశ్రయంలో ప్రయాణికులు తీవ్ర ఇబ్బందులు ఎదుర్కొన్నట్లు సమాచారం. విమాన సిబ్బందితో ప్రయాణికులు వాగ్వాదానికి దిగినట్లు తెలుస్తోంది. హైదరాబాద్ వెళ్లేందుకు ప్రత్యామ్నాయ మార్గాలను సూచిస్తూ ముంబై మీదుగా ప్రయాణించాల్సిందిగా సిబ్బంది చెప్పడంతో ప్రయాణికులు అసంతృప్తి వ్యక్తం చేసినట్లు సమాచారం.

ప్రయాణికుల కోసం నవీ ముంబై లేదా చెన్నై మీదుగా ప్రత్యామ్నాయ ప్రయాణ ఏర్పాట్లు చేస్తామని ఇండిగో సిబ్బంది తెలిపినట్లు సమాచారం. అయితే హైదరాబాద్ చేరుకోవడానికి రాత్రి 9 గంటల వరకు వేచి ఉండాల్సి వస్తుందని చెప్పడంతో ప్రయాణికులు ఆగ్రహం వ్యక్తం చేసినట్లు తెలుస్తోంది. మరోవైపు, ఇండిగో అధికారిక విధానం ప్రకారం విమానం రద్దు లేదా మార్పు జరిగితే ప్రయాణికులకు ప్రత్యామ్నాయ విమానం లేదా రీఫండ్‌ వంటి ఎంపికలు అందుబాటులో ఉంటాయి.