ఇరాన్‌పై దాడులపై ఇజ్రాయెల్‌ కీలక ప్రకటన

ఇరాన్‌పై ఇజ్రాయెల్‌ పోరాటం ఇంకా ముగియలేదని ఆ దేశ రక్షణ మంత్రి ఇజ్రాయెల్‌ కాట్జ్‌ స్పష్టం చేశారు. ఇరాన్‌ మరోసారి అణ్వాయుధాలను సంపాదించేందుకు ప్రయత్నాలు ప్రారంభించిందని ఆయన ఆరోపించారు. ఇజ్రాయెల్‌ భద్రతకు ముప్పు కలిగించే చర్యలను అంగీకరించబోమని హెచ్చరించారు. సైనికుల స్మారక కార్యక్రమంలో మాట్లాడిన కాట్జ్‌.. భవిష్యత్తులో ఎదురయ్యే సవాళ్లను ఎదుర్కొనేందుకు దేశం అప్రమత్తంగా ఉండాలని పిలుపునిచ్చారు. అయితే, ఇరాన్‌ అణ్వాయుధాల తయారీకి ప్రయత్నిస్తోందన్న ఇజ్రాయెల్‌ ఆరోపణలను టెహ్రాన్‌ ఖండిస్తోంది.

ఇదిలా ఉండగా, ఇజ్రాయెల్‌ ప్రధాని బెంజమిన్‌ నెతన్యాహు రాజకీయంగా అనిశ్చిత పరిస్థితులను ఎదుర్కొంటున్న నేపథ్యంలో ఈ వ్యాఖ్యలు ప్రాధాన్యం సంతరించుకున్నాయి. ఇరాన్‌పై మరోసారి దాడులు జరిపే అంశంపై అమెరికా అధ్యక్షుడు డొనాల్డ్‌ ట్రంప్‌తో చర్చలు జరుగుతున్నట్లు అంతర్జాతీయ మీడియాలో కథనాలు వెలువడ్డాయి. అయితే, నవంబర్‌ 9న చీకటి సమయంలో దాడులు జరిపేలా ట్రంప్‌తో నిర్దిష్టంగా చర్చించినట్లు వచ్చిన సమాచారానికి స్వతంత్ర ధ్రువీకరణ లేదు. ఇరాన్‌పై తదుపరి సైనిక చర్యల విషయంలో అమెరికా మద్దతు ఎంతవరకు ఉంటుందన్నది కూడా స్పష్టత రావాల్సి ఉంది.