అమెజాన్ గ్రేట్ ఇండియన్ ఫెస్టివల్‌లో రికార్డు స్థాయిలో వినియోగదారుల ఆదా

అమెజాన్ గ్రేట్ ఇండియన్ ఫెస్టివల్ 2026 సందర్భంగా దేశవ్యాప్తంగా వినియోగదారులు రికార్డు స్థాయిలో రూ.2,800 కోట్లు ఆదా చేసుకున్నారని సంస్థ వెల్లడించింది. గత ఏడాదితో పోలిస్తే ఈసారి అమ్మకాలు దాదాపు 50 శాతం పెరిగాయని తెలిపింది. ఫెస్టివల్ సైట్‌ను 393 కోట్ల మంది సందర్శించినట్లు పేర్కొంది. ప్రైమ్ సభ్యులు ప్రత్యేక ఆఫర్ల ద్వారా సాధారణంగా లభించే ప్రయోజనాలతో పోలిస్తే పది రెట్లకు పైగా ఆదా చేసుకున్నారని అమెజాన్ వివరించింది.

దేశవ్యాప్తంగా 120కి పైగా నగరాల్లో కొన్ని ఉత్పత్తులను నిమిషాల వ్యవధిలోనే డెలివరీ చేసినట్లు సంస్థ వెల్లడించింది. ప్రతి మూడు ఆర్డర్లలో ఒకదాన్ని అదే రోజున అందించినట్లు తెలిపింది. ఫెస్టివల్‌లో చిన్న, మధ్య తరహా వ్యాపార విక్రేతల సంఖ్య పది రెట్లు పెరగగా, వారి అమ్మకాలు వార్షిక ప్రాతిపదికన 30 శాతం వృద్ధి చెందాయని పేర్కొంది. ఈ నెల 11 వరకు కొనసాగనున్న ఫెస్టివల్‌లో వినియోగదారులకు విస్తృత శ్రేణి ఉత్పత్తులతో పాటు క్యాష్‌బ్యాక్ ఆఫర్లు అందుబాటులో ఉంటాయని అమెజాన్ ఇండియా వైస్ ప్రెసిడెంట్ సౌరభ్ శ్రీవాస్తవ తెలిపారు.