పవన్ కళ్యాణ్‌పై కవిత విమర్శలు..

బీఆర్ఎస్ ఎమ్మెల్సీ కల్వకుంట్ల కవిత పవన్ కళ్యాణ్‌పై చేసిన వ్యాఖ్యలు రాజకీయ వర్గాల్లో చర్చనీయాంశంగా మారాయి. పవన్ కళ్యాణ్ సినిమాలను ప్రజలు చూసి ఆనందిస్తారని, అయితే ఆంధ్రప్రదేశ్ ఉప ముఖ్యమంత్రిగా ఉన్న ఆయనకు తెలంగాణ రాజకీయాల్లో జోక్యం అవసరం లేదని కవిత వ్యాఖ్యానించారు. ఆయన ఆంధ్రప్రదేశ్‌లో రాజకీయాలు చేసుకుంటూ, ఇక్కడ సినిమాలు తీయాలని సూచించారు.

సినిమాల ముసుగులో వచ్చి రాష్ట్ర రాజకీయాలపై ప్రభావం చూపే ప్రయత్నాలను ప్రజలు అంగీకరించరని కవిత అన్నారు. గతంలో కూడా భాషను వెక్కిరిస్తూ రాష్ట్రాన్ని కబ్జా చేయాలని ప్రయత్నాలు జరిగాయని ఆమె ఆరోపించారు. పవన్ కళ్యాణ్‌ను సినిమాల్లో చూడటం ఇష్టమే కానీ రాజకీయ నాయకుడిగా ఆయన సరైన వ్యక్తి కాదని విమర్శించారు. తెలంగాణ సచివాలయం వైపు చూస్తే ఊరుకునే పరిస్థితి లేదని ఆమె హెచ్చరిక స్వరంలో వ్యాఖ్యానించారు.