మద్రాస్ హైకోర్టు సంచలన తీర్పు

మద్రాస్ హైకోర్టు కీలక తీర్పు వెలువరించింది. విదేశీ పేరు లేదా పౌరసత్వం ఉన్నంత మాత్రాన హిందూ గుర్తింపును నిరాకరించలేమని స్పష్టం చేసింది. హిందూ మతాన్ని స్వీకరించడానికి ప్రత్యేక సర్టిఫికెట్లు లేదా ఆచారాలు అవసరం లేదని కోర్టు పేర్కొంది. ఈ తీర్పు మత స్వేచ్ఛ, వ్యక్తిగత విశ్వాసాలకు సంబంధించి ప్రాముఖ్యతను సంతరించుకుంది.

అమెరికా పౌరురాలు లారా ఫ్రాన్సెస్ అయ్యంగార్‌ను హిందూ భక్తురాలిగానే పరిగణించాలని కోర్టు ఆదేశించింది. ఆమెను ‘అమెరికన్ క్రైస్తవ మహిళ’గా పేర్కొంటూ జారీ చేసిన తమిళనాడు హిందూ రెలిజియస్ అండ్ చారిటబుల్ ఎండౌమెంట్స్ డిపార్ట్‌మెంట్ ఉత్తర్వులను కోర్టు కొట్టివేసింది. వ్యక్తిగత విశ్వాసం ఆధారంగానే మత గుర్తింపును నిర్ణయించాల్సి ఉంటుందని హైకోర్టు స్పష్టం చేసింది.