

ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు నాలుగు ప్రధాన సంస్థలు అవకాశాలు కల్పిస్తున్నాయి. నార్తర్న్ రైల్వేలో 4,652 అప్రెంటిస్ పోస్టుల భర్తీకి నోటిఫికేషన్ విడుదలైంది. ఈ పోస్టులకు రాత పరీక్ష నిర్వహించకుండా మెరిట్ ఆధారంగా అభ్యర్థులను ఎంపిక చేస్తారు. అగ్రికల్చరల్ సైంటిస్ట్స్ రిక్రూట్మెంట్ బోర్డ్ (ఏఎస్ఆర్బీ)లో 1,393 పోస్టులు, ఢిల్లీ సబార్డినేట్ సర్వీసెస్ సెలక్షన్ బోర్డ్ (డీఎస్ఎస్ఎస్బీ)లో 1,260 పోస్టులు ఉన్నాయి. జామియా మిలియా ఇస్లామియాలో 85 నాన్-టీచింగ్ పోస్టుల భర్తీకి కూడా ప్రకటన వెలువడింది.
పదో తరగతి, ఐటీఐ పూర్తి చేసిన అభ్యర్థుల నుంచి ఇంజినీరింగ్ పట్టభద్రుల వరకు వివిధ విద్యార్హతలు ఉన్నవారు పోస్టులను బట్టి దరఖాస్తు చేసుకోవచ్చు. ఎంపికైన వారికి ఉద్యోగాన్ని బట్టి నెలకు రూ.8,000 నుంచి గరిష్టంగా రూ.2.15 లక్షల వరకు వేతనం అందుతుంది. ఈ ఉద్యోగాలకు దరఖాస్తు గడువులు వేర్వేరుగా ఉండగా, డిసెంబర్ 11 నుంచి 17 మధ్య ముగియనున్నాయి. ఆసక్తి గల అభ్యర్థులు సంబంధిత సంస్థల అధికారిక వెబ్సైట్లలో నోటిఫికేషన్లు పరిశీలించి, గడువులోగా ఆన్లైన్లో దరఖాస్తు చేసుకోవాలి.


కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!