ఇంద్రకీలాద్రిపై భక్తులకు వైద్య సేవలు

విజయవాడ ఇంద్రకీలాద్రిపై జరుగుతున్న దసరా శరన్నవరాత్రి ఉత్సవాలకు తరలివస్తున్న భక్తుల ఆరోగ్య పరిరక్షణ కోసం ఎన్టీఆర్ జిల్లా వైద్య ఆరోగ్యశాఖ ఆధ్వర్యంలో వైద్య శిబిరాలు నిర్వహిస్తున్నారు. దర్శన సమయంలో అకస్మాత్తుగా అనారోగ్య సమస్యలు తలెత్తిన భక్తులకు వైద్య సిబ్బంది సత్వర సహాయం అందిస్తున్నారు. జ్వరం, తలనొప్పి, నీరసం వంటి సాధారణ సమస్యలకు ప్రాథమిక చికిత్స చేస్తున్నారు.

వైద్య శిబిరాల్లో డిజిటల్ బీపీ మానిటర్లతో భక్తుల రక్తపోటును పరీక్షించి, వారి ఆరోగ్య పరిస్థితిని ప్రాథమికంగా అంచనా వేస్తున్నారు. రక్తపోటులో అసాధారణ మార్పులు గుర్తించిన వారికి వైద్యుల సూచనల మేరకు తదుపరి చర్యలు తీసుకోవాలని సలహా ఇస్తున్నారు. అవసరమైన వైద్య పరికరాలు, ప్రాథమిక చికిత్స సామగ్రి, మందులను అందుబాటులో ఉంచారు. ఉత్సవాలకు పెద్ద సంఖ్యలో భక్తులు వస్తున్న నేపథ్యంలో అత్యవసర పరిస్థితుల్లో త్వరితగతిన వైద్య సహాయం అందించేందుకు సిబ్బంది సిద్ధంగా ఉన్నారు. అనారోగ్య లక్షణాలను నిర్లక్ష్యం చేయకుండా వైద్య శిబిరాలను సంప్రదించాలని భక్తులకు సూచిస్తున్నారు.