ఢిల్లీలో అత్యాచార ఘటనలపై సుప్రీంకోర్టు కీలక వ్యాఖ్యలు

ఢిల్లీలో వరుస అత్యాచార ఘటనలకు సంబంధించిన అంశంపై సుప్రీంకోర్టు విచారణ జరిపింది. ఈ సందర్భంగా నేరాలను అరికట్టేందుకు కేవలం అరెస్టులు చేయడం సరిపోదని ధర్మాసనం కీలక వ్యాఖ్యలు చేసింది. నేరం చేయాలంటేనే భయపడేలా సమర్థవంతమైన చర్యలు తీసుకోవాల్సిన అవసరం ఉందని స్పష్టం చేసింది.

ఢిల్లీలో నిఘా వ్యవస్థను మరింత బలోపేతం చేయాలని సుప్రీంకోర్టు సూచించింది. బస్‌స్టాప్‌లు, మెట్రో స్టేషన్లు, రైల్వే స్టేషన్లు, పాఠశాలలు, కళాశాలల వద్ద భద్రత, నిఘా పెంచాలని పేర్కొంది. మహిళలపై నేరాలను అరికట్టేందుకు ముందస్తు చర్యలు, పటిష్టమైన భద్రతా వ్యవస్థ అవసరమని ధర్మాసనం అభిప్రాయపడింది.