ట్రంప్‌కు కోర్టులో మళ్లీ చుక్కెదురు

అమెరికా అధ్యక్షుడు డొనాల్డ్ ట్రంప్ జన్మతః పౌరసత్వ హక్కుపై పరిమితులు విధిస్తూ తీసుకున్న నిర్ణయానికి కోర్టులో మరోసారి ఎదురుదెబ్బ తగిలింది. అమెరికాలో పుట్టిన పిల్లలకు స్వయంచాలకంగా పౌరసత్వం లభించే విధానంపై మార్పులు తీసుకురావడంతో పాటు, బర్త్ టూరిజానికి అడ్డుకట్ట వేయాలనే ఉద్దేశంతో ఇటీవల ఆదేశాలు జారీ చేశారు.

అయితే ట్రంప్ జారీ చేసిన ఈ ఆదేశాలను తాజాగా కోర్టు నిలిపివేసినట్లు సమాచారం. జన్మతః పౌరసత్వ హక్కుకు సంబంధించిన నిబంధనలపై న్యాయపరమైన వివాదం కొనసాగుతున్న నేపథ్యంలో ఈ తీర్పు ప్రాధాన్యం సంతరించుకుంది. ఈ అంశంపై తదుపరి న్యాయపోరాటం, ప్రభుత్వ చర్యలపై అందరి దృష్టి నెలకొంది.