హైదరాబాద్‌లో తన పేరుతో రోడ్డుపై ట్రంప్ స్పందన

అమెరికా అధ్యక్షుడు డొనాల్డ్ ట్రంప్ హైదరాబాద్‌లోని అమెరికన్ కాన్సులేట్ పక్కన ఉన్న రహదారికి తన పేరును పెట్టడంపై స్పందించారు. తన సోషల్ మీడియా ప్లాట్‌ఫామ్ ట్రూత్ సోషల్లో ఈ విషయాన్ని పంచుకుంటూ ప్రభుత్వానికి కృతజ్ఞతలు తెలిపారు. తన పేరుతో రోడ్డు నామకరణం పొందిన తొలి అమెరికా అధ్యక్షుడిని తానేనని ఆయన పేర్కొన్నారు.

అమెరికా 250వ స్వాతంత్య్ర దినోత్సవ వేడుకల సందర్భంగా హైదరాబాద్‌లో జరిగిన కార్యక్రమంలో ఈ రహదారిని ‘డొనాల్డ్ ట్రంప్ అవెన్యూ’గా నామకరణం చేశారు. ఈ ఫలకాన్ని తెలంగాణ ఉప ముఖ్యమంత్రి భట్టి విక్రమార్క, అమెరికా రాయబారి సెర్గియో గోర్ కలిసి ఆవిష్కరించారు. మైక్రోసాఫ్ట్, గూగుల్, అమెజాన్ వంటి ప్రముఖ టెక్ కంపెనీలు ఈ ప్రాంతానికి సమీపంలో ఉన్నాయి. తెలంగాణ–అమెరికా మధ్య వాణిజ్య, పెట్టుబడి సంబంధాలు బలోపేతం అవుతున్న నేపథ్యంలో ఈ నిర్ణయం తీసుకున్నట్లు ప్రభుత్వం తెలిపింది.