ఉక్రెయిన్-రష్యా ఉద్రిక్తతలు మరింత తీవ్రం.. భారీ డ్రోన్ దాడి

ఉక్రెయిన్-రష్యా మధ్య కొనసాగుతున్న యుద్ధంలో ఉద్రిక్తతలు మరోసారి తీవ్రరూపం దాల్చాయి. రష్యాలోని 12 ప్రాంతాలను లక్ష్యంగా చేసుకుని ఉక్రెయిన్ ఒకేసారి సుమారు 660 డ్రోన్లతో భారీ దాడికి పాల్పడినట్లు రష్యా అధికారులు వెల్లడించారు. యుద్ధం ప్రారంభమైన తర్వాత జరిగిన అతిపెద్ద డ్రోన్ దాడుల్లో ఇదొకటిగా భావిస్తున్నారు.

ఈ దాడిలో ఎక్కువశాతం డ్రోన్లను తమ వైమానిక రక్షణ వ్యవస్థలు విజయవంతంగా అడ్డుకున్నాయని రష్యా ప్రకటించింది. దాడుల అనంతరం ఆయా ప్రాంతాల్లో భద్రతను మరింత కట్టుదిట్టం చేసి పరిస్థితిని అధికారులు సమీక్షిస్తున్నట్లు తెలిపారు. డ్రోన్ యుద్ధం ఇరు దేశాల మధ్య కొనసాగుతున్న ఘర్షణను మరింత తీవ్రతరం చేస్తున్నట్లు విశ్లేషకులు అభిప్రాయపడుతున్నారు.