గాన గంధర్వుడు ఎస్పీ బాలసుబ్రహ్మణ్యానికి వైఎస్ జగన్ నివాళి

గాన గంధర్వుడు ఎస్పీ బాలసుబ్రహ్మణ్యానికి వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్ నివాళి అర్పించారు. తన అద్భుతమైన గాత్రంతో పాటకు ప్రాణం పోసిన ఎస్పీ బాలసుబ్రహ్మణ్యం ప్రపంచవ్యాప్తంగా కోట్లాది మంది హృదయాల్లో చిరస్థాయిగా నిలిచిపోయారని పేర్కొన్నారు.

తెలుగుతో పాటు అనేక భాషల్లో వేలాది పాటలు పాడిన ఎస్పీ బాలసుబ్రహ్మణ్యం భారతీయ సంగీత ప్రపంచంలో తనకంటూ ప్రత్యేకమైన స్థానాన్ని సంపాదించుకున్నారని వైఎస్ జగన్ కొనియాడారు. ఆయన తెలుగు జాతికి గర్వకారణమని పేర్కొంటూ గాన గంధర్వుడి సేవలను స్మరించుకున్నారు.