సీనియర్ హీరోలు సొంతంగా కథలు ఎంచుకోరా?

చిరంజీవి కథల విషయంలో రామ్ చరణ్ నుంచి రెండో అభిప్రాయం తీసుకుంటున్నారనే ప్రచారం పరిశ్రమలో వినిపిస్తోంది. ఒక కథను స్వయంగా పరిశీలించడంతో పాటు చరణ్ అభిప్రాయాన్ని కూడా పరిగణనలోకి తీసుకుంటారనే టాక్ ఉంది. మరోవైపు బాలయ్య తన చిన్న కుమార్తె తేజస్విని సలహాలను కూడా తీసుకుంటున్నట్లు సమాచారం. కథ ఎంపికలో కుటుంబ సభ్యుల సూచనలకు ప్రాధాన్యం ఇస్తున్నారనే చర్చ సాగుతోంది.

వెంకటేష్ మాత్రం పూర్తిగా సిద్ధమైన కథను చదివిన తర్వాతే నిర్ణయం తీసుకుంటారనే ప్రచారం ఉంది. ఇక నాగార్జున కథ విన్న వెంటనే నిర్ణయం తీసుకోకుండా కొంత సమయం తీసుకుని ఆలోచిస్తారట. కొత్త దర్శకుడు అయితే అతని సామర్థ్యం, గత పని తీరు వంటి అంశాలను కూడా తెలుసుకునే ప్రయత్నం చేస్తారని చెబుతున్నారు. ఇలా నలుగురు సీనియర్ హీరోలు కథలను పరిశీలించే విధానం ఒక్కో విధంగా ఉందనే చర్చ జరుగుతోంది. తుది నిర్ణయం మాత్రం కథపై నమ్మకం, దర్శకుడి ప్రణాళిక, పాత్రకు ఉన్న ప్రాధాన్యాన్ని బట్టి ఉంటుందని తెలుస్తోంది.