రామ్ సినిమా విడుదలకు తప్పని వాయిదా?

రామ్ పోతినేని హీరోగా తెరకెక్కుతున్న RAPO23 సినిమా విడుదల విషయంలో కీలక మార్పు చోటుచేసుకున్నట్లు తెలుస్తోంది. మొదట ఈ చిత్రాన్ని ఈ ఏడాది డిసెంబర్‌లో ప్రేక్షకుల ముందుకు తీసుకురావాలని మేకర్స్ భావించారు. అయితే మధ్యలో సూపర్ స్టార్ ధర్మన్ సినిమాలో నటించే అవకాశం రావడంతో ప్రణాళికలు మారిపోయినట్లు సమాచారం. దీంతో RAPO23 విడుదలను వాయిదా వేయక తప్పడం లేదనే వార్తలు వినిపిస్తున్నాయి.

ప్రస్తుతం ఈ సినిమా చిత్రీకరణ కూడా ఆశించిన స్థాయిలో పూర్తికాలేదని తెలుస్తోంది. ఇప్పటివరకు కేవలం 40 శాతం షూటింగ్ మాత్రమే పూర్తయినట్లు సమాచారం.మిగిలిన భాగాన్ని పూర్తి చేయడానికి మరికొంత సమయం పట్టే అవకాశం ఉండటంతో వచ్చే ఏడాదికి విడుదలను మార్చినట్లు ప్రచారం జరుగుతోంది.