తెలుగు రాష్ట్రాల్లో ‘వారణాసి’ సినిమాకి షాకింగ్ టార్గెట్?

సూపర్ స్టార్ మహేష్ బాబు, ప్రియాంక చోప్రా, పృథ్వీరాజ్ సుకుమారన్ ప్రధాన పాత్రల్లో ఎస్.ఎస్. రాజమౌళి తెరకెక్కిస్తున్న ‘వారణాసి’పై అంచనాలు రోజురోజుకూ పెరుగుతున్నాయి. ప్రస్తుతం సినిమా షూటింగ్ చివరి దశకు చేరుకున్నట్లు తెలుస్తోంది. ఇప్పటికే దేశవ్యాప్తంగా భారీ చర్చకు కారణమైన ఈ చిత్రానికి ఉన్న హైప్‌కు తగ్గట్టుగానే బిజినెస్ లెక్కలు కూడా సంచలనంగా మారుతున్నట్లు టాక్ వినిపిస్తోంది.

ముఖ్యంగా తెలుగు రాష్ట్రాల హక్కులకు భారీ డిమాండ్ ఏర్పడినట్లు ప్రచారం జరుగుతోంది. తాజా సమాచారం ప్రకారం తెలుగు రాష్ట్రాల నుంచే ₹320 కోట్లకు పైగా బిజినెస్ లక్ష్యంగా పెట్టుకున్నట్లు తెలుస్తోంది. ఇదే నిజమైతే ‘ఆర్‌ఆర్‌ఆర్’, ‘పుష్ప 2’ వంటి భారీ చిత్రాల బిజినెస్ రికార్డులకు ఈ సినిమా గట్టి పోటీ ఇచ్చే అవకాశం ఉంది. అయితే పూర్తి వివరాలపై అధికారిక ప్రకటన రావాల్సి ఉంది. ఎం.ఎం. కీరవాణి సంగీతం అందిస్తున్న ఈ చిత్రాన్ని ఎస్.ఎస్. కార్తికేయ, కే.ఎల్. నారాయణ నిర్మిస్తున్నారు.