‘ఆదర్శకుటుంబం’లో ఆ హీరోయిన్.. వెంకీ సినిమాపై క్రేజీ అప్‌డేట్!

విక్టరీ వెంకటేష్ హీరోగా, త్రివిక్రమ్ శ్రీనివాస్ దర్శకత్వంలో తెరకెక్కుతున్న ఫ్యామిలీ ఎంటర్‌టైనర్ ‘ఆదర్శకుటుంబం’. హారిక అండ్ హాసిని క్రియేషన్స్ బ్యానర్‌పై రూపొందుతున్న ఈ చిత్రం అక్టోబర్ 2న థియేటర్లలో విడుదల కానుంది. ఇప్పటికే విడుదలైన అప్డేట్స్ ప్రేక్షకులను ఆకట్టుకోగా, తాజాగా వచ్చిన టీజర్ సినిమాలోని కామెడీ కోణాన్ని పరిచయం చేసింది.

ఈ చిత్రంలో వెంకటేష్ సాధారణ బ్యాంక్ ఉద్యోగి పాత్రలో కనిపించనున్నట్లు తెలుస్తోంది. భార్య అప్పుల కారణంగా ఇబ్బందులు ఎదుర్కొనే వ్యక్తికి అనుకోకుండా లాటరీ తగిలితే ఏం జరుగుతుందనే అంశాన్ని కామెడీతో తెరకెక్కించినట్లు టీజర్ ద్వారా తెలుస్తోంది. శ్రీనిధి శెట్టి హీరోయిన్‌గా నటిస్తుండగా, నారా రోహిత్, నివేథా పేతురాజ్, యువినా పార్థవి, రాజా ప్రైవల్ తదితరులు కీలక పాత్రల్లో కనిపించనున్నారు. తాజాగా ఈ ప్రాజెక్టులో డింపుల్ హయాతి కూడా భాగమైనట్లు వార్తలు వస్తున్నాయి. సినిమాలోని ఓ ప్రత్యేక గీతంలో డింపుల్ హయాతితో పాటు నివేథా పేతురాజ్ కూడా కనిపించనున్నట్లు సమాచారం. అయితే దీనిపై మేకర్స్ నుంచి అధికారిక ప్రకటన రావాల్సి ఉంది.