రాజు బొనగాని దర్శకత్వంలో ‘ఆఫ్టర్ ఇంజనీరింగ్’.. యూత్‌ఫుల్ ఎంటర్‌టైనర్

రాస్రా ఎంటర్‌టైన్మెంట్ బ్యానర్‌పై ‘ఆఫ్టర్ ఇంజనీరింగ్’ అనే కొత్త తెలుగు చిత్రం తెరకెక్కుతోంది. రాజు బొనగాని ఈ సినిమాకు దర్శకత్వం వహిస్తున్నారు. విజువల్ ఎఫెక్ట్స్ విభాగంలో తనకంటూ ప్రత్యేక గుర్తింపు తెచ్చుకున్న రాజు బొనగాని.. ఈ చిత్రంతో దర్శకుడిగా తన అదృష్టాన్ని పరీక్షించుకోనున్నారు. నూతన నటీనటులను పరిచయం చేస్తూ ఈ సినిమాను యూత్‌ఫుల్ ఎంటర్‌టైనర్‌గా రూపొందిస్తున్నారు.

ప్రేమ, భావోద్వేగాలతో కూడిన కథాంశంతో తెరకెక్కుతున్న ఈ చిత్రం యువతకు కనెక్ట్ అయ్యేలా ఉంటుందని మేకర్స్ చెబుతున్నారు. “థిస్ ఈజింట్ జస్ట్ మై స్టోరీ, ఇట్స్ అవర్ స్టోరీ” అనే ట్యాగ్‌లైన్‌తో వస్తున్న ఈ సినిమా ప్రతి ఒక్కరి అనుభవాలకు దగ్గరగా ఉంటుందని దర్శకుడు రాజు బొనగాని తెలిపారు. ప్రస్తుతం పాటల రికార్డింగ్ జరుగుతోంది. త్వరలో ప్రత్యేక కార్యక్రమం ఏర్పాటు చేసి నటీనటులు, సాంకేతిక బృందం సహా సినిమాకు సంబంధించిన పూర్తి వివరాలను వెల్లడించనున్నారు.