‘రాకా’లో తన పాత్రపై క్లారిటీ ఇచ్చిన ఐశ్వర్య లక్ష్మి

మలయాళ నటి ఐశ్వర్య లక్ష్మి, ఐకాన్ స్టార్ అల్లు అర్జున్, దర్శకుడు అట్లీ కాంబినేషన్‌లో తెరకెక్కుతున్న ‘రాకా’ చిత్రంలో నటించనున్నారంటూ ఇటీవల వార్తలు వచ్చాయి. ఈ చిత్రంలో ఆమె ప్రతినాయక పాత్రలో కనిపించనున్నారనే ప్రచారం కూడా జరిగింది.

అయితే ఈ వార్తలపై ఐశ్వర్య లక్ష్మి స్పష్టత ఇచ్చారు. తాను ‘రాకా’ చిత్రంలో భాగం కాదని ఇండియా టుడేతో మాట్లాడుతూ తెలిపారు. తన గురించి వచ్చిన వార్తలను కొట్టిపారేసిన ఆమె సరదాగా చిత్రబృందాన్ని తనను కూడా సినిమాలో తీసుకోవాలని కోరారు. ‘‘లేదు, నేను ఈ సినిమాలో భాగం కాదు. ఎవరైనా నన్ను ఈ సినిమాలో నటింపజేయండి’’ అంటూ ఆమె నవ్వుతూ పేర్కొన్నారు.

‘రాకా’లో దీపికా పదుకొణె కథానాయికగా నటిస్తుండగా, జాన్వీ కపూర్, రష్మిక మందన్న, మృణాల్ ఠాకూర్ కీలక పాత్రల్లో కనిపించనున్నట్లు సమాచారం. అట్లీ దర్శకత్వం వహిస్తున్న ఈ ఫాంటసీ యాక్షన్ డ్రామాను సన్ పిక్చర్స్ నిర్మిస్తోంది. సాయి అభ్యంకర్ సంగీతం అందిస్తున్నారు.