అఖిల్ ‘లెనిన్’కు క్లియర్ సిగ్నల్.. ఇక కౌంట్‌డౌన్ స్టార్ట్!

అక్కినేని అఖిల్ హీరోగా నటించిన ‘లెనిన్’ చిత్రం ప్రపంచవ్యాప్తంగా విడుదలకు సిద్ధమవుతుండగా, చిత్రబృందం తాజాగా సెన్సార్ కార్యక్రమాలను పూర్తి చేసింది. ఈ చిత్రానికి సెంట్రల్ బోర్డ్ ఆఫ్ ఫిల్మ్ సర్టిఫికేషన్ U/A సర్టిఫికెట్ జారీ చేసినట్లు మేకర్స్ అధికారికంగా ప్రకటించారు. ఇప్పటికే విడుదలైన టీజర్, ట్రైలర్‌లో కనిపించిన భారీ యాక్షన్ సన్నివేశాలు, హై వోల్టేజ్ ఎపిసోడ్‌లకు అనుగుణంగానే ఈ సర్టిఫికెట్ లభించినట్లు సినీ వర్గాలు భావిస్తున్నాయి.

మురళీ కిషోర్ అబ్బూరు దర్శకత్వం వహించిన ఈ చిత్రంలో భాగ్యశ్రీ బోర్స్ హీరోయిన్‌గా నటించగా, బ్రహ్మాజీ, శివాజీ, గెటప్ శ్రీను కీలక పాత్రల్లో కనిపించనున్నారు. ఎస్.ఎస్. తమన్ సంగీతం అందించిన ఈ చిత్రాన్ని సితార ఎంటర్‌టైన్‌మెంట్స్, అన్నపూర్ణ స్టూడియోస్ బ్యానర్లపై సూర్యదేవర నాగ వంశీ, అక్కినేని నాగార్జున సంయుక్తంగా నిర్మించారు. విడుదలకు ముందే భారీ అంచనాలు ఏర్పడిన ఈ సినిమా ప్రేక్షకులను ఎంత మేర ఆకట్టుకుంటుందో ఆసక్తిగా మారింది.