బిజినెస్
30, జూన్ 2026, మంగళవారం
ఆంధ్రప్రదేశ్లోని నంద్యాల జిల్లా గడివేముల పోలీస్ స్టేషన్లో విధులు నిర్వహిస్తున్న సబ్ ఇన్స్పెక్టర్ నాగార్జున రెడ్డి బిగ్బాస్ తెలుగు సీజన్-10లో పాల్గొనే అవకాశం ఇవ్వాలని నటుడు, షో హోస్ట్ అక్కినేని నాగార్జునను కోరుతూ ఓ వీడియో విడుదల చేశారు. తన ఇద్దరు కుమార్తెల ప్రోత్సాహంతో ఈ నిర్ణయం తీసుకున్నానని, పోలీసు అధికారిగా సంపాదించిన అనుభవంతో బిగ్బాస్ హౌస్లోని ఒత్తిడి, సవాళ్లు, మైండ్ గేమ్స్ను సమర్థంగా ఎదుర్కోగలనని ఆయన వీడియోలో పేర్కొన్నారు.
ఈ వీడియో సోషల్ మీడియాలో వైరల్ కావడంతో విభిన్న స్పందనలు వ్యక్తమయ్యాయి. కొందరు ఆయన ఆత్మవిశ్వాసాన్ని ప్రశంసించగా, మరికొందరు విధుల్లో ఉన్న పోలీసు అధికారి యూనిఫామ్లో ఇలాంటి విజ్ఞప్తి చేయడం సమంజసమా అని ప్రశ్నించారు. ఘటనపై స్పందించిన ఆంధ్రప్రదేశ్ పోలీసు శాఖ, ఎస్ఐకు వివరణ కోరుతూ నోటీసు జారీ చేసింది. ఆయన సమాధానం ఆధారంగా తదుపరి శాఖాపరమైన చర్యలపై నిర్ణయం తీసుకోనున్నట్లు అధికారులు తెలిపారు.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!