‘టాక్సిక్‌’లో బోల్డ్ సీన్లపై విమర్శలు

‘టాక్సిక్‌’ చిత్రంలో యష్‌, కియారా అద్వానీ జంటగా నటించగా, గీతూ మోహన్‌ దాస్‌ దర్శకత్వం వహించారు. భారీ యాక్షన్‌ ఎంటర్‌టైనర్‌గా తెరకెక్కిన ఈ సినిమా ఆగస్టు 25న రాత్రి ప్రేక్షకుల ముందుకు వచ్చింది. కన్నడ, తెలుగు, హిందీతో పాటు పలు భాషల్లో పాన్‌ ఇండియా స్థాయిలో విడుదలైన ఈ చిత్రంపై యష్‌ గత విజయాల కారణంగా భారీ అంచనాలు నెలకొన్నాయి. అయితే సినిమాకు ఆశించిన స్థాయిలో పాజిటివ్‌ టాక్‌ రావడం లేదని తెలుస్తోంది.

మరోవైపు సినిమాలోని కొన్ని బోల్డ్‌ సన్నివేశాలు సోషల్‌ మీడియాలో చర్చనీయాంశంగా మారాయి. యష్‌, కియారా మధ్య ఉన్న రొమాంటిక్‌ సన్నివేశాలకు సంబంధించిన క్లిప్‌లు నెట్టింట వైరల్‌ అవుతున్నాయి. ముఖ్యంగా కారులో చిత్రీకరించిన సన్నివేశాలపై కొందరు నెటిజన్లు విమర్శలు చేస్తుండగా, మరికొందరు కుటుంబంతో కలిసి ఈ సినిమాను చూడటం కష్టమంటూ కామెంట్లు చేస్తున్నారు. ఇప్పటికే విడుదలైన ఓ వీడియో సాంగ్‌లోని రొమాంటిక్‌ సన్నివేశాలపై కూడా విమర్శలు వచ్చిన విషయం తెలిసిందే.