‘కామ్రేడ్ కళ్యాణ్’ రిలీజ్ డేట్ ఫిక్స్

వినూత్న కథలు, విభిన్న పాత్రలతో ప్రేక్షకులను అలరిస్తున్న యువ హీరో శ్రీవిష్ణు నటిస్తున్న తాజా చిత్రం ‘కామ్రేడ్ కళ్యాణ్’. జానకిరామ్ మరెళ్ల దర్శకత్వంలో తెరకెక్కుతున్న ఈ యాక్షన్ కామెడీ చిత్రాన్ని కోనా ఫిలిమ్స్ కార్పొరేషన్, స్కంద వాహన మోషన్ పిక్చర్స్ బ్యానర్లపై రూపొందిస్తున్నారు. తాజాగా ఈ సినిమా వరల్డ్‌వైడ్‌గా అక్టోబర్ 9న థియేటర్లలో విడుదల కానున్నట్లు మేకర్స్ ప్రకటించారు. ‘ఈ కామ్రేడ్ వచ్చేది విప్లవం కోసం కాదు. థియేటర్లలో నవ్వుల విప్లవం సృష్టించడానికి’ అంటూ విడుదల చేసిన అప్‌డేట్ ఆకట్టుకుంటోంది.

‘సామజవరగమన’, ‘ఓం భీమ్ బుష్’ వంటి హిలేరియస్ ఫ్యామిలీ ఎంటర్‌టైనర్లతో ప్రేక్షకులను నవ్వించిన శ్రీవిష్ణు, ఈ సినిమాలో 1990ల నాటి వింటేజ్ నేపథ్యంతో కూడిన విభిన్నమైన డ్యూయల్ రోల్లో కనిపించనున్నారు. యాక్షన్, కామెడీకి ప్రాధాన్యతనిస్తూ రూపొందుతున్న ఈ చిత్రం మరోసారి థియేటర్లలో నవ్వుల పండుగను తీసుకురానుందని మేకర్స్ భావిస్తున్నారు.