ఆ స్టెప్‌ విషయంలో బాధపడుతున్నా – శేఖర్ మాస్టర్

నందమూరి బాలకృష్ణ నటించిన ‘డాకు మహారాజ్’ సినిమాలోని ‘దబిడి దిబిడి’ పాటలో వివాదాస్పదమైన స్టెప్‌పై కొరియోగ్రాఫర్ శేఖర్ మాస్టర్ స్పందించారు. ఆ స్టెప్‌ను కంపోజ్ చేసినందుకు ఇప్పుడు రిగ్రెట్ అవుతున్నానని తెలిపారు. స్పెషల్ సాంగ్‌కు తగిన విధంగానే ఆ స్టెప్‌ను రూపొందించానని, అయితే ప్రేక్షకులు దాన్ని మరో విధంగా అర్థం చేసుకోవడంతో వివాదం పెద్దదైందని చెప్పారు.

ఈ పాటకు తానే కొరియోగ్రఫీ చేశాననే విషయం చాలామందికి తెలియదని శేఖర్ మాస్టర్ వెల్లడించారు. పాట స్వభావం, ఎనర్జీకి అనుగుణంగానే స్టెప్‌ను రూపొందించానని, అయితే ప్రేక్షకుల స్పందనతో అది పెద్ద చర్చకు దారి తీసిందని పేర్కొన్నారు.