నాని ‘ది ప్యారడైజ్’ ప్రమోషన్స్‌లో జోరు

నేచురల్ స్టార్ నాని నటిస్తున్న మోస్ట్ అవైటెడ్ మూవీ ‘ది ప్యారడైజ్’ విడుదలకు సిద్ధమవుతున్న నేపథ్యంలో మేకర్స్ ప్రమోషన్స్‌ను మరింత జోరుగా నిర్వహిస్తున్నారు. శ్రీకాంత్ ఓదెల దర్శకత్వంలో తెరకెక్కుతున్న ఈ చిత్రంపై ఇప్పటికే భారీ అంచనాలు నెలకొన్నాయి. ఇప్పటివరకు విడుదలైన అప్డేట్స్‌తో పాటు పాటలు కూడా ప్రేక్షకులను ఆకట్టుకుంటూ మంచి స్పందనను సొంతం చేసుకుంటున్నాయి. ఈ చిత్రం సెప్టెంబర్ 24న గ్రాండ్ థియేట్రికల్ రిలీజ్‌కు సిద్ధమవుతోంది.

ఈ క్రమంలో మేకర్స్ మరో క్రేజీ అప్డేట్‌ను ప్రకటించారు. సినిమా ప్రమోషన్స్‌లో భాగంగా చిత్రబృందం దక్షిణాది నగరాల్లో ప్రత్యేక పర్యటనను నిర్వహించనుంది. సెప్టెంబర్ 17 నుంచి చెన్నై, బెంగళూరు, కొచ్చి, హైదరాబాద్ నగరాల్లో నాని, దర్శకుడు శ్రీకాంత్ ఓదెలతో పాటు చిత్రబృందం అభిమానులను కలవనుంది. ఇందుకు సంబంధించిన ప్రత్యేక పోస్టర్‌ను మేకర్స్ విడుదల చేశారు. అనిరుధ్ రవిచందర్ సంగీతం అందిస్తున్న ఈ చిత్రంపై ఆసక్తి మరింత పెరుగుతోంది.