ఆ స్టార్ హీరో డ్యాన్స్‌కు నయనతార ఫిదా.. ఆసక్తికర వ్యాఖ్యలు

జూనియర్ ఎన్టీఆర్ డ్యాన్స్ నైపుణ్యంపై నయనతార చేసిన వ్యాఖ్యలు మరోసారి సోషల్ మీడియాలో చర్చనీయాంశంగా మారాయి. ఓ ఇంటర్వ్యూలో ఆమె తారక్‌తో కలిసి పనిచేసిన అనుభవాలను గుర్తుచేసుకున్నారు. షూటింగ్ సమయంలో ఎన్టీఆర్ చాలా సరదాగా ఉండేవారని, సెట్స్‌లో తనతో కూడా సరదాగా మాట్లాడేవారని తెలిపారు. కెమెరా ముందుకు వచ్చిన తర్వాత ఆయనలో కనిపించే మార్పు తనను ఆశ్చర్యపరిచేదని నయనతార పేర్కొన్నారు.

ముఖ్యంగా డ్యాన్స్ విషయంలో ఎన్టీఆర్‌కు ఉన్న సహజమైన ప్రతిభను నయనతార ప్రశంసించారు. చాలామంది నటులు డ్యాన్స్ సన్నివేశాలకు ముందు రిహార్సల్స్ చేస్తారని, అయితే తారక్‌ను తాము పనిచేసిన సమయంలో పెద్దగా రిహార్సల్స్ చేస్తూ చూడలేదని ఆమె గుర్తుచేసుకున్నారు. ఆయన ప్రత్యేకమైన డ్యాన్స్ మూవ్‌మెంట్స్‌ను మరెవరూ సులభంగా చేయలేరని అభిప్రాయపడ్డారు. తారక్‌తో కలిసి పనిచేయడం గొప్ప అనుభవమని, ఆయనలో అసాధారణమైన ప్రతిభ ఉందని నయనతార పేర్కొన్నారు. ఇదే సందర్భంలో “నాటు నాటు” పాట కోసం దర్శకుడు ఎస్.ఎస్. రాజమౌళి ఎన్టీఆర్‌తో పలుమార్లు రిహార్సల్స్ చేయించిన విషయాన్ని కూడా ఇంటర్వ్యూలో ప్రస్తావించారు.