ఇక ప్రభాస్ రెండు భారీ సినిమాలపైనే ... ది రాజా సాబ్ షూటింగ్ పూర్తి

పాన్‌ ఇండియా స్టార్ ప్రభాస్ సినిమాల వేగం తగ్గడం లేదు. భారీ బడ్జెట్‌, అత్యున్నత స్థాయి సాంకేతిక ప్రమాణాలతో తెరకెక్కుతున్న చిత్రాలు కారణంగా ప్రతి సినిమా పూర్తవ్వడానికి ఎక్కువ సమయం పడుతున్నప్పటికీ, ప్రభాస్ మాత్రం తన టైమ్ మేనేజ్‌మెంట్‌తో ఏడాదికి కనీసం ఒక సినిమాను పూర్తి చేస్తున్నాడు.

తాజాగా ఆయన నటించిన ది రాజా సాబ్ చిత్రానికి సంబంధించిన ప్రభాస్ భాగం మొత్తం షూటింగ్ ముగిసిందని సమాచారం. మొదట ఈ సినిమా ఈ ఏడాది చివర్లో విడుదల కావాలని భావించినా, పోస్ట్ ప్రొడక్షన్ పనులు ఎక్కువగా ఉండటంతో సంక్రాంతి కానుకగా జనవరి 9 న విడుదల చేయాలని నిర్మాతలు నిర్ణయించారు.

ఇక రాజా సాబ్ తర్వాత ప్రభాస్ పూర్తిగా రెండు ప్రాజెక్టులపైనే దృష్టి సారిస్తున్నాడు  హను రాఘవపూడి దర్శకత్వంలో “ఫౌజీ”, అలాగే సందీప్ రెడ్డి వంగా దర్శకత్వంలో “స్పిరిట్”. ఫౌజీ ఇప్పటికే ప్రారంభమై చివరి దశకు చేరుతుండగా, దాని తర్వాత స్పిరిట్ షూట్ మొదలుకానుంది.

స్పిరిట్ పూర్తయ్యాక ప్రభాస్ “కల్కి 2” మరియు “సలార్ 2” సినిమాలతో ప్రేక్షకులను మరల అలరించడానికి సిద్ధమవుతున్నాడు. ఒక్కో ప్రాజెక్ట్‌కి ప్రత్యేకంగా ఫోకస్ ఇస్తూ, గ్లోబల్ మార్కెట్‌ను దృష్టిలో ఉంచుకుని తన కెరీర్‌ను కొత్త దిశలో తీసుకెళ్తున్నాడు డార్లింగ్ ప్రభాస్.