‘ది ప్యారడైజ్’లో శక్తివంతమైన పాత్రలో రాఘవ్ జుయల్

నాని నటిస్తున్న ‘ది ప్యారడైజ్’ సినిమా ప్రేక్షకులను అలరించేందుకు సిద్ధమవుతోంది. శ్రీకాంత్ ఓదెల దర్శకత్వంలో రూపొందుతున్న ఈ పీరియాడిక్ యాక్షన్ డ్రామాను సుధాకర్ చెరుకూరి నిర్మిస్తున్నారు. కయాదు లోహర్ కథానాయికగా నటిస్తుండగా, బాలీవుడ్ నటుడు రాఘవ్ జుయల్ కీలక పాత్రలో కనిపించనున్నారు.

శుక్రవారం విడుదల చేసిన గ్లింప్స్‌లో ఆయన విక్రమ్ మాలిక్ అనే శక్తివంతమైన పాత్రలో కనిపించనున్నట్లు స్పష్టమైంది. ఈ సినిమాలో నాని మాస్ అవతారంలో ‘జడల్’ పాత్రలో అలరించనుండగా, మోహన్‌బాబు ప్రతినాయకుడిగా నటిస్తున్నారు. అనిరుధ్ సంగీతం అందిస్తున్న ఈ చిత్రం ప్రస్తుతం చివరి దశ షూటింగ్‌లో ఉంది.