బాక్సాఫీస్‌ను షేక్ చేస్తున్న ‘స్పైడర్ మ్యాన్: బ్రాండ్ న్యూ డే’

మార్వెల్ అభిమానులు ఎంతో ఆసక్తిగా ఎదురుచూసిన ‘స్పైడర్ మ్యాన్: బ్రాండ్ న్యూ డే’ విడుదలైన తొలి రెండు రోజుల్లోనే బాక్సాఫీస్ వద్ద సంచలన విజయాన్ని నమోదు చేసింది. టామ్ హాలండ్ హీరోగా నటించిన ఈ చిత్రం తొలి రోజు భారత్‌లో రూ.60.60 కోట్ల నెట్ వసూళ్లు సాధించి రికార్డులు సృష్టించింది. రెండో రోజు కూడా అదే జోరు కొనసాగిస్తూ దేశవ్యాప్తంగా 16,902 షోల ద్వారా సుమారు రూ.49.35 కోట్లు వసూలు చేసింది. దీంతో రెండు రోజుల్లో భారత్‌లో ఈ సినిమా రూ.131.46 కోట్ల గ్రాస్, రూ.109.95 కోట్ల నెట్ కలెక్షన్లను నమోదు చేసింది.

భారత్‌లో ఈ చిత్రం ‘అవతార్: ది వే ఆఫ్ వాటర్’, ‘అవెంజర్స్: ఎండ్‌గేమ్’ తొలి రోజు రికార్డులను అధిగమించింది. ప్రస్తుతం థియేటర్లలో ప్రదర్శితమవుతున్న ‘ది ఒడిస్సీ’, ‘జన నాయగన్’ చిత్రాలకు గట్టి పోటీ ఇస్తోంది. ఓపెనింగ్ వీకెండ్ ముగిసే నాటికి ఈ చిత్రం భారత్‌లో రూ.200 కోట్ల క్లబ్‌లో చేరే అవకాశముందని ట్రేడ్ వర్గాలు అంచనా వేస్తున్నాయి. డెస్టిన్ డానియల్ క్రెటన్ దర్శకత్వం వహించిన ఈ చిత్రంలో జెండాయా, జాకబ్ బాటలాన్, సేడీ సింక్, జాన్ బెర్న్‌తాల్, ట్రామెల్ టిల్మన్ కీలక పాత్రల్లో నటించారు.