చిన్ననాటి జ్ఞాపకాలతో ‘సమ్మర్ హాలిడేస్’ – ‘క్రష్’ సాంగ్ విడుదల

“సమ్మర్ హాలిడేస్” సినిమాలోని ‘క్రష్’ సాంగ్‌ను హైదరాబాద్‌లో హీరో ఆనంద్ దేవరకొండ, డైరెక్టర్ ఆదిత్య హాసన్, ప్రొడ్యూసర్ ఎస్ కేఎన్ అధికారికంగా లాంచ్ చేశారు. దీరజ్ మొగిలినేని ఎంటర్‌టైన్‌మెంట్స్ నిర్మిస్తున్న ఈ చిత్రానికి శ్రీకర్ దర్శకత్వం వహిస్తున్నారు. చిన్ననాటి జ్ఞాపకాల నేపథ్యంతో ఈ సినిమా రూపొందుతోంది.

ఈ సినిమాలో మాస్టర్ రోహన్, మాస్టర్ అరుణ్, బేబి ఖుషి కీలక పాత్రల్లో నటిస్తున్నారు. సింజిత్ యెర్రమల్లి సంగీతం అందించిన ఈ పాటకు అనురాగ్ కులకర్ణి గానం చేశారు. పాటకు మంచి స్పందన వస్తోందని చిత్రబృందం తెలిపింది. సినిమా కూడా ప్రేక్షకులను భావోద్వేగంగా ఆకట్టుకుంటుందని వారు ఆశాభావం వ్యక్తం చేశారు.