నిర్మాతగా కొత్త అడుగు వేసిన టాలీవుడ్ స్టార్ హీరో

మ్యాన్ ఆఫ్ మాసెస్ జూనియర్ ఎన్టీఆర్ సినీ రంగంలో మరో కొత్త అడుగు వేశారు. ‘NTRTAIN’ పేరుతో తన సొంత నిర్మాణ సంస్థను ప్రారంభించారు. నటుడిగా వరుస విజయాలతో దూసుకెళ్తున్న ఎన్టీఆర్.. ఇప్పుడు నిర్మాణ రంగంలోకి కూడా అడుగుపెట్టారు.

ఈ ప్రొడక్షన్ హౌస్‌కు ఎన్టీఆర్, ఆయన సతీమణి ప్రణతి డైరెక్టర్లుగా వ్యవహరించనున్నారు. NTRతో పాటు Entertain అనే పదాన్ని కలిపి ‘NTRTAIN’ అనే పేరును రూపొందించారు. సినిమా ద్వారా ప్రేక్షకులను ఎంటర్‌టైన్ చేయాలనే భావనను ప్రతిబింబించేలా ఈ పేరును పెట్టారు. ఈ కొత్త బ్యానర్ నుంచి ఎలాంటి సినిమాలు రానున్నాయో అని అభిమానులు ఆసక్తిగా ఎదురుచూస్తున్నారు.