హార్ట్ బీట్ సీజన్ 3 రిలీజ్.. ఎక్కడ చూడాలంటే?

ఓటీటీ ప్రేక్షకులను ఆకట్టుకున్న మెడికల్ డ్రామా వెబ్ సిరీస్ హార్ట్ బీట్ ఇప్పుడు మూడో సీజన్‌తో జియో హాట్‌స్టార్‌లో స్ట్రీమింగ్ ప్రారంభించింది. తొలి రెండు సీజన్లు మంచి ఆదరణ పొందడంతో మేకర్స్ మరో కొత్త కథతో ప్రేక్షకుల ముందుకు వచ్చారు. ఈ తాజా సీజన్ ఈ రోజు నుంచి తమిళంతో పాటు తెలుగు, కన్నడ, హిందీ భాషల్లో కూడా అందుబాటులోకి వచ్చింది.

దీపక్ సుందర రాజన్ దర్శకత్వంలో తెరకెక్కిన ఈ వెబ్ సిరీస్ ఆస్పత్రి నేపథ్యంలో సాగుతూ కుటుంబ బంధాలు, ప్రేమ, భావోద్వేగాలు, తల్లి ప్రేమ కోసం ఓ యువతి చేసే ప్రయాణాన్ని హృదయానికి హత్తుకునేలా చూపిస్తుంది. దీపా బాలు, అనుమోల్, యోగలక్ష్మీ, శర్వ, శబరీశ్, చారుకేశ్, రామ్, చంద్రశేఖర్, గిరి ద్వారకేశ్, రే ప్రధాన పాత్రల్లో నటించారు. గత రెండు సీజన్ల మాదిరిగానే ఈ సీజన్ కూడా ఓటీటీ ప్రేక్షకులను ఆకట్టుకుంటుందని మేకర్స్ ఆశాభావం వ్యక్తం చేస్తున్నారు.