స్పైడర్ మ్యాన్: బ్రాండ్ న్యూ డే ఓటీటీ రిలీజ్.. స్ట్రీమింగ్ ఎప్పుడంటే?

మార్వెల్ సినిమాటిక్ యూనివర్స్‌లో స్పైడర్ మ్యాన్ సినిమాలకు ప్రపంచవ్యాప్తంగా ప్రత్యేకమైన క్రేజ్ ఉంది. టామ్ హాలండ్ నటించిన స్పైడర్ మ్యాన్: బ్రాండ్ న్యూ డే కూడా భారీ అంచనాల మధ్య థియేటర్లలోకి వచ్చింది. తాజాగా ఈ సినిమా డిజిటల్ రిలీజ్‌కు సిద్ధమవుతున్నట్లు సమాచారం. అక్టోబర్ 2026లో అమెజాన్ ప్రైమ్ వీడియోలో అందుబాటులోకి వచ్చే అవకాశం ఉందని తెలుస్తోంది. అయితే తొలుత రెంట్, బై ఆప్షన్లతో మాత్రమే స్ట్రీమింగ్ చేయనున్నట్లు సమాచారం. దీంతో సాధారణ ప్రైమ్ సబ్‌స్క్రిప్షన్ ఉన్న ప్రేక్షకులు కూడా సినిమాను చూడటానికి అదనంగా చెల్లించాల్సి రావచ్చు.

స్పైడర్ మ్యాన్: నో వే హోమ్ ముగిసిన నాలుగేళ్ల తర్వాత బ్రాండ్ న్యూ డే కథ ప్రారంభమవుతుంది. డాక్టర్ స్ట్రేంజ్ చేసిన మంత్రం కారణంగా ప్రపంచంలోని ప్రతి ఒక్కరూ పీటర్ పార్కర్‌ను మర్చిపోతారు. అతడి స్నేహితుడు నెడ్, ఎంజే కూడా పీటర్‌ను గుర్తుపట్టకపోవడంతో అతడు ఒంటరి జీవితాన్ని గడుపుతుంటాడు. తన బాధను పక్కనపెట్టి పూర్తిస్థాయిలో స్పైడర్ మ్యాన్‌గా మారి న్యూయార్క్ నగరాన్ని నేరాల నుంచి కాపాడేందుకు ప్రయత్నిస్తాడు. ఈ క్రమంలో అతడి సాలీడు డీఎన్‌ఏలో చోటుచేసుకునే మార్పులు కొత్త శక్తులకు దారితీస్తాయి. ఆ శక్తులు పీటర్ జీవితాన్ని ఎలా మార్చాయన్నదే సినిమాలో కీలక అంశం.